梁靖琪心急搵男仔做柴可夫

梁靖琪（Toby）為林寶堅尼活動擔任司儀，一身火紅色Tube dress打扮的她表示：「個Show係我一位Designer朋友同佢哋合作嘅，所以就搵咗我嚟。（恨唔恨有林寶堅尼？）我都想呀，我今晚特登着紅色嚟，因為我嘅Dream car就係紅色嘅。（你嘅夢想幾時可以實現？）又無諗住，我想搵個男士車我先。（要唔要揸林寶？）唔使，搵個男士車我就ok，如果我有咁多錢我會買樓先，之後至會再買車。車依家喺我心目中排第三、四位左右。（男士排第一？）唔係，排第一係屋企人，第二係工作，男士排到好尾。（有無追求者？）有好多男性朋友，不過未有心頭好。」