「胸」群出沒注意！G奶崔碧珈跑步激盪

夏日熱辣辣，你哋會點樣過呢？圈中靚女分別揀咗着比堅尼出海消暑同着小背心做運動！2011年港姐亞軍朱希敏趁住今日好天氣，着上噴血三點式出海玩：「這個炎熱的夏天你們會怎麽過呢？今天我就出海！多點出外呼吸新鮮空氣，人都開心d（啲）！」

王子涵同愛犬暢泳

導演王晶個女王子涵就選擇帶埋愛犬Shake Shake出海，順便教狗仔學游水：「Shake shake跟我一起岀海，她會游泳了！」

區文詩衝出香港晒身材

而前Cookies成員區文詩（Angela）就更加識歎，帶埋媽咪齊齊去越南度假。身材勻稱嘅Angela仲拎住杯Mojito瞓喺泳池邊曬日光浴，請一班網友大吃冰淇淋。

香香崔碧珈做運動減肥

至於無綫小花岑麗香（香香）同崔碧珈就揀咗留喺室內做運動避暑，兩人仲不約而同着上小背心添！香香一路聽住歌，一路做運動，仲話做完運動人都醒神咗。擁有豐滿上圍嘅「G奶謝安琪」崔碧珈就着上低胸小背心，專心一意咁喺跑步機上跑步：「Day 7！今天穿上我很喜歡的粉紅色！ Cardio day-running and swimming! 黎（嚟）緊幾日都會拍攝，所以之後幾天要減低運動量了。」