李亞男唔理祖藍眼火爆：佢已咀過我姊妹

藝人李亞男（Leanne）以綠色露肩花花Tube Dress出席夏日活動開幕禮，大會還即場展示她早前為該主題拍攝的光影相片，相當盞鬼。Leanne表示自幼便開始跟爸爸學畫畫：「我好崇拜Daddy，佢都成日鼓勵我畫畫架，不過我到中學就開始少畫咗啦，通常係畫靜態嘢多。（男友王祖藍會是model嗎？）我諗要等技巧好啲先。（咁影番輯光影相呢？）都可以喎！同佢去啲室外地方影應該好靚。」

談及祖藍對於她在近日播放之劇集跟張繼聰的激咀戲睇到眼火爆，Leanne笑指：「佢以前都唔少啦，要還吓，不過佢可能下次會報復，其實我之前有畀佢睇過劇本架，大家都係講信任，佢用一個欣賞角度睇啫！（之後會唔會唔敢接激吻戲？）要睇劇本需要，（底線呢？）依家差唔多啦。」

她續表示毫不介意祖藍有激情戲份：「如果佢有好多好多需要，我都唔會介意，不過上次佢咀魯芬BB，我真係叫咗出嚟，因為佢激過我10倍！」對於戲中咀嘴的對象，她輕鬆透露祖藍已咀過自己的姊妹，但不會因此而刻意咀男友兄弟：「咁大家唔可以抱住報復嘅心態，好開心依家套劇有人追。（之後仲有冇更激劇情？）冇啦，之後多數都係畀人打嘅戲份。」