陳展鵬簽約做賽車手

藝人陳展鵬身穿黄色賽車衫，在九龍城的香港飛行學會出席大中華盃簽約儀式，更即登上直昇機環遊香港，喻意能在賽車場上展翅高飛，正式成為車隊的一分子，將到馬來西亞參加國際賽事。車隊主席更在儀式中大讚展鵬形象健康，又指也有在專欄譔文，表明很欣賞展鵬的奮鬥史，也認為他能令一眾主婦和小妹妹留意賽車活動，所以簽他為車手，而展鵬也感謝車隊令他做到男士們夢寐以求的事。

問展鵬剛才的直昇機體驗感覺如何，他說：「我係第一次坐依類型嘅直昇機，之前喺澳門坐過，但今日天氣好好，同埋第一次去到愉景灣同坪洲個邊，又低飛飽覽維港同離島（景色），好好玩。」

買咗七位數保險

展鵬又指已為今個月中的賽事訓練一個月：「今個月15號我會去馬來西亞準備賽事，所以我有去廣東練咗一個月，同拎咗個賽車牌。（簽約酬勞？）唔方便透露，但感謝車隊為我買咗七位數保險。（唔怕有意外？）我都有專業教練教，但有時都會喺彎位控制唔到，不過如果有場上嘅常識同跟規例嘅話，賽車其實冇危險。」

展鵬直言今次能實現夢想參與國際賽事，希望能順利完成賽事：「我喺馬來西亞應該都有好多朋友支持，而馬來西亞政府一直好支持賽車運動，當日場面應該會好盛大。」