港姐：王卓淇否認恨入行澄清冇貪慕虛榮

《2014香港小姐競選》於尖沙咀舉行「候選佳麗提名人頒獎儀式」，向十六強佳麗的提名人頒發現金獎一萬元。

其中（9）佳麗王卓淇被讀者來信爆料，力數她抗拒「廣州人」身份，愛發明星夢而不斷參加比賽。又大爆她為人貪慕虛榮，拍拖要帶埋媽媽與男友「三人行」，更要男友包食包住。

對於種種指控，王卓淇逐一否認。先問她是否於廣州出生？她就：「係，好多屋企人去香港住，其中婆婆在香港定居咗好多年，所以嚟香港發展。」

問到有指她愛發明星夢「恨入行」？她否認說：「淨係三、四年前參加過中華小姐。」

談到她被指貪慕虛榮，帶埋媽媽逼男友包食住？她反應甚大地澄清無此事：「冇啲咁嘅事，唔知咁嘅事邊度嚟（拍拖？）試過一次（依家有男友？）冇（同媽咪及男友三人行？）從來冇，拍拖時喺英國，媽咪都唔係我身邊！」問她被中傷會否感不快？她稱會做好自己：「冇唔開心，會繼續做好自己。」