港姐：蔡曉瑩自爆獲男友支持參選

《2014香港小姐競選》於尖沙咀舉行「候選佳麗提名人頒獎儀式」，十六強佳麗與其提名人齊齊亮相，由大會向提名人頒發現金獎一萬元。

其中12號佳麗蔡曉瑩憑其碩士學歷而備受注目。談到大熱門楊埕日前退選，蔡曉瑩對此感可惜：「我同楊埕係第一次面試就識，佢係我參選港姐時識嘅第一個朋友。（知道對方為何退選？）等佢自己講，我冇過問，我想專心比賽，bless her有更好前途。」自爆與楊埕保持聯絡的她又指已相約對方比賽結束後食飯：「選完港姐後會一齊食飯。（對方會到場睇準決賽？）未知安排。」

獲男友撐參選

問到她有否拍拖？她自認名花有主，又稱獲男友支持參選：「我有男友。（唔搵佢做提名人？）冇諗過，我叔叔都提名咗我。（男友支持你參選？）屋企人同朋友都支持。（男友接受泳裝環節？）着得健康OK，平時游水都會着泳衣。（參選有否同男友嘈交？）冇！我哋感情好好。（男友係咩人？）香港人，中學就識，佢知我有思想，會支持我。」