伍詠薇肥咗賴水腫：肥少少又唔會死

藝人伍詠薇（伍姑娘）與著名形象指導郭慶彬為首飾品牌分享秋冬飾品配搭潮流，現場所見，伍姑娘略顯發福，她直指自己是時肥時瘦的人，並認為健康最重要：「去到我呢個年紀最緊要係健康，肥少少又唔會死亡，我唔在乎磅數。（老公鍾意你肥定瘦？）我點樣佢都鍾意，其實男人鍾意身邊嘅女人有啲肉地。我都覺得女人有少少肉靚啲，太瘦會好乾。」

談到工作，她透露將會為歌手Joe Junior演唱會擔任嘉賓，更是她首度在台上獻唱英文歌：「我好緊張，可能因為有壓力令我水腫，所以睇起嚟肥咗。」伍姑娘透露之前Joe Junior已邀過她數次做表演嘉賓：「但我對自己無信心，所以推咗，我依家努力練歌同練英文發音。」