港姐：泳裝出場　「長平公主」當道

《2014香港小姐競選》十六位候選佳麗到淺水灣，首度以泳裝亮相，但一件頭泳衣睇頭欠奉，不過也吸引不少泳客及裝修工人舉機拍照。

綜觀今年候選佳麗身材平平，7號何艷娟、9號王卓淇、10洪寧怡、11號吳凱欣及13號黃燕如皆屬「長平公主」。

在數字上身材最出眾的佳麗要數三圍35-25-36的4號鍾美琪，其餘「胸湧族」有三圍33-23-33的8號「脹爆梁小冰」李汶蔚及三圍34-24.5-35「大口譚小環」15號邵珮詩。

李汶蔚唔覺身材好有着數

上圍豐滿的8號佳麗李汶蔚受訪時直言不認為身材好會得到額外分數，反而覺得說話技巧和內涵才是選美中最重要的一環：「樣靚，身材幾靚都好，但係如果你入面唔靚嘅話，你出嚟都唔會咁靚架嘛！」李汶蔚亦直認自己的優點是比較樂觀，兼且有甜美的笑容，仲話自己做空姐去過好多唔同地方，會寫blog同其他人分享o添！

邵珮詩努力修身

而大學畢業的15號邵珮詩除了擁有甜美臉孔，及圓潤身形外，原來聲線亦略帶「娃娃音」。為了參選港姐，邵珮詩坦言有努力修身，更透露將會再努力減3至5磅去迎戰準決賽，希望屆時能以最佳狀態示人。對於要穿上泳裝示人，她謂最緊要有自信心，更大讚其他佳麗「個個都咁靚」，認真識做。