馬賽復工　楊思琦讚：佢好靚好精神

藝人楊思琦盛裝以嘉賓身份現身秋冬時裝騷，對於之前被傳在內地賣啤酒的，她表示：「唔係賣啤酒，係主辦單位派禮品咁啫，我覺得去個啲場合都好安全，好多藝人、歌手都去過，我都去過好幾次。」

問到現時是否每月需要10萬元養女，思琦即笑說：「嘩，你哋幫我計埋，我自己冇特別去計呀，其實回復自由身後有唔同類型工作搵我真係好開心，好感謝客戶邀請我。（咁返內地工作有幾多人跟你一齊去？）一個女助手，佢好打得o架！（工作係咪大小通吃？）覺得自己做得到，時間又許可，多啲嚟密啲手，呢排都好旺期，自己往返內地出騷多。」

對於同場的馬賽自艷舞片流出首度復工，思琦大讚馬賽狀態好：「佢今日好靚、好精神，呢件事已經好多人關注，大家畀多啲空間佢，希望佢可以開心啲，be strong。（你同佢熟唔熟？）工作上唔係太多合作。（覺得佢精神好嗎？）大家放過佢啦，今次周邊人唔適宜畀意見。」