吳卓羲新劇不為攞獎為口碑

演過不少警察角色的吳卓羲在新劇《忠奸人》扮演非一般警察，除了故有的警察查案追逐刺激場面，新劇角色更著重描述人性矛盾、陰暗面、講究演員內心戲，他說：「今次警察角色同我演過嘅好唔同，角色好人性化，好多內心戲，講我執行一次任務意外令郭晉安受傷，因為內疚呢兩個字做咗好多踩界嘢。」

吳卓羲表示《忠》是他近期最滿意的一套作品，也少有地向朋友「硬銷」捧場，評價亦有讚冇彈。事實上吳卓羲的演技明顯昇華到另一層次，問吳卓羲可希望憑新劇攞獎？他說：「冇諗攞獎，如果為咗攞獎去做一件事係會有影響、有壓力，唔想為攞獎而拍戲，最緊要觀眾鐘意有口碑。」