吳卓羲同劉思希咀嘴冇頂親

無綫藝人吳卓羲（Ron）亮相將軍澳新都城中心，宣傳無綫劇集《忠奸人》。期間他於蓮步舞環節中，更揹起同組身穿短裙的劉思希，令她花容失色。同場陳嘉佳就由何遠東、郭晉安及Ron三人合力揹起，場面爆笑！而陳智燊又「公主抱」起李亞男，但最後「反艇」收場。由於該劇昨晚錄得31點收視，監製王心慰更與一眾演員進行祝酒儀式。

Ron於受訪時笑稱差點「賴床」遲到：「呢排開廠景多，時間顛倒晒，好少見到陽光！」談到收視高企，Ron 說：「好滿意！過30點算高！依家上網都可以追劇，收視計得唔太準！」談到安仔預他為慶功埋單？他笑稱冇所謂。他又直言拍攝該劇好辛苦：「又要拍感情戲，又打又跑，又唔夠瞓！」問他與早前與樣子被批的劉思希拍咀戲有否被「頂親」？他即自認鼻高：「佢冇頂親我，可能我自己鼻高會頂親佢。」