許雅婷淨係識夏尉喻　而不知道崔碧珈是誰

藝人許雅婷(Kabby)現身機場，原來佢都係周星馳(星爺)套新電影《美人魚》嘅選秀比賽４０位入選者其中之一！因此要專程飛住北京繼續比賽，務求要畀星爺睇中！

但當問到她知否對手有何人時，她只知到Barbie夏尉喻，而不知道崔碧珈是誰。但提到Barbie時，她坦認對方是強勁的對手：「佢對我嚟講威脅力係最大！佢嘅喜劇天份好強！(因為佢參賽段片?)都係㗎，我都笑咗好耐！」

對於自己優勝之處，Kabby則坦言自己以新鮮感取勝，亦直認最希望見到星爺本人，因為自己是星爺的小粉絲：「最鐘意係佢嘅《整蠱專家》！」而為了今次的選秀，更大爆自己專程去學游水！

當記者朋友告訴她是之前短片海選中的票選冠軍時，她由迷茫立刻變做興奮，她謂：「我一陣間返去cap圖慶祝吓先！」問到有否信心勝出，她坦言盡力而為，但如能參與其中則是畢生榮幸。