樂做美魔女　佘詩曼唔會同張智霖傳緋聞

剛回巢無綫的藝人佘詩曼騷長腿出席活動，對於被大會形容為「美魔女」，阿佘欣然接受：「最緊要靚！」剛完成電影《衝上雲霄》香港部分拍攝工作的她示將於下月初到英國拍外景：「預計逗留十幾日，（有時間濕平？」有呀！但唔敢講預幾多錢，因為轉季嘛！反而食嘢就會準備。」

由於與古天樂飾演情侶，阿佘不擔心二人會傳緋聞：「唔驚得咁多，盡情投入做好角色，（有冇親熱戲？）導演想完美啲，所以仲改緊，（傳袁詠儀擔心張智霖同你再傳緋聞，所以要求老公同郭采潔演感情線戲？）冇！大家都好專業嘅，唔會囉！根本就唔係。」

鑽研古籍拍歷史劇

談及林峯指香港演員「唔夠墨水」，阿佘坦言拍古裝的確要對飾演的時代有認識才會演得更出色，如早前拍攝大陸劇《建元風雲》，也有讀過有關元世祖忽必烈的書籍。問對歷史可有興趣？她笑說：「職業囉！（會唔會睇唔明？）冇辦法，盡量吸收啦！」