唐詩詠與崔建邦分手仍是朋友：拍拖寧缺勿濫

藝人唐詩詠到石硤尾探訪基層市民，為新劇《載得有情人》宣傳。中於男友崔建邦被拍得與新歡夜蒲，因而爆出兩人「已分手」，詩詠說：「有睇到新聞，祝福佢，佢都唔細，要結婚喇。我同佢仲係好好嘅朋友，（佢新歡你都識？）我唔識，冇介紹我識，我冇酸溜溜。（幾時同點解分手？）呢個唔講，係和平分手。（唔捨得？） 我哋仲係好好嘅朋友，關係幾好。 （出現第三者？）冇。（點解諗成秒先答？）冇…唔關事。（你認為佢適婚，分手係咪因為有人暫時唔想結婚？）咁私人嘅嘢…唔係，啱就一齊，唔啱就分開，我都未到適婚年齡。」

唐詩詠更自爆朋友有介紹男仔給她：「我驚相睇，朋友就畀相我睇，我覺得睇緣份，慢慢嚟，寧缺勿濫。（揀啱邊個？）邊有得揀啫，真係咁多咩？得一個！（有乜心水？）運動型、高大，但我真係好怕，所以會被動啲。（以後唔再揀圈中人拍拖？）冇乜所謂，睇性格夾唔夾。」