甩底商業活動　黎耀祥蘇玉華工作以無綫為先

藝人黎耀祥及蘇玉華到石硤尾宣傳新劇《載得有情人》，並探訪基層市民，二人回應早前被指臨時甩底家居寬頻電視記者會一事，祥仔說：「因為有嘢做，臨時收到通知，要幫個劇拍宣傳片。（失場要賠錢？）冇法，大家明嘅！（公司唔鍾意你哋出席嗰個活動？）嗰個係電視機活動，唔係電視台，幫亞視拍就話啫！」

蘇玉華表示：「賠償？我都冇收訂，公司工作一定排優先。（怕得失客戶？）個別事件啫。」