劉思希谷胸搵銀:收入係之前Double!

20140818
東網電視
更多新聞短片
劉思希自劇集見街後,知名度大增,騷價都隨之而暴漲。
藝人劉思希(Lisa)谷胸出席寢具品牌活動,惹火的Lisa承認劇集《忠奸人》為自己帶來知名度,還有機會出來活動賺外快:「不過依家仲有啲工作未確實到。(係街有人認得你未?)有啦,大家都叫我劇入面個名,但我已經好開心。(收入大增?)未計到確實個數,係一定係之前嘅Double(雙倍)。」她續透露合約已有既定條件,酬勞方面未有因人氣而調整:「冇傾過加錢呀,覺得拍到呢套劇已經好好彩,唔好意思再傾呢樣嘢。」
曾於2011年參選港姐的Lisa表示今年港姐質素很好,擔心被搶飯碗:「我自己當年係落選架嘛,都比較擔心,不過有競爭先有進步。(會進修嗎?)其實諗住報讀演藝學院架,自己有學開跳舞,依家仲想學唱歌,但又唔知搵咩行內人教路好。(有冇請教吳卓羲呀?)未請教呀,佢拍戲就幫咗我好多,佢提我一句已經有好多Meaning(意思)架啦!」