亞視邀做亞姐評判　林峯：等吓先啦

滿約無綫回復自由身的林峯，下午在將軍澳出席無綫劇《使徒行者》記者會，年幾兩年沒有劇出街的他笑稱：「呢套係阿佘（佘詩曼）返嚟第一套劇，但係我離開前最後一套劇。」他透露與無綫暫未恰談新合作，也慶幸獲內地、香港的電影、電視招手合作，目前正物色適合的角色演出，稍後則會跟不同公司談合作：「我想專注喺自己嘅作品、演出上面，出嚟始終要有一個好有資源、基礎嘅公司去安排。（英皇？）都係其中之一，我哋多年合作關係、啲人又熟，都係間實力雄厚嘅公司。」

談到獲亞視邀做亞姐評判，林峯笑謂：「好搞笑，完全冇收過呢啲消息，都冇人聯絡過我。（亞視願意為你改期？）咁等吓先啦。」至於傳他有意簽浙江衛視，他說：「之前同電視台宣傳，唔明點解有咁嘅報道，可能係宣傳啩，不過浙江衛視都係好嘅電視台，《爸爸去哪兒》真係好好睇，我都同Niki（周麗淇）講可唔可以整個《乾爸去哪兒》。」

對於柯震東和房祖名在內地涉毒被捕，林峯卻表示不想多作回應，只希望事件盡快解決，最緊要是願意改過自新。