港姐：吳凱欣直認有男友　唔驚畀富二代追

參選《2014香港小姐競選》的16位準港姐今日遠赴惠州票選「旅遊大使獎」，佳麗先後上台自我介紹並分享旅遊經驗。1號「直鼻陳凱琳」謝芷倫表現「小學雞」，分享心得時充滿抑揚頓挫如朗誦，而2號「縮胸蔚雨芯」鄧曉霖表現缺乏自信，似大學生上台做報告，而3號「加國熙蕾」黃碧蓮、11號「大眼Dada」吳凱欣（Sofiee）以及15號「大口譚小環」邵佩詩表現亮眼。而「旅遊大使獎」最後由充滿個人風格的吳凱欣奪得，成功從上屆得獎者以及冠軍的陳凱琳手中接過獎項。

獲男友支持參選

本報接到自稱為11號Sofiee同事的讀者爆料，指她任職空姐三年，更有一位名為卓亦謙的導演男友，獲對方在其作品《至少在夢裡》中加戲份，更為她拉攏關係助她參選港姐，Sofiee對與男方的關係直認不諱：「佢係我男朋友，仲係我提名人，拍咗一年拖。我哋係大學同學，參選港姐男友都支持。（唔擔心參選後畀富二代追？）唔驚，以後再打算。」

否認整容

另外，亦有讀者爆料指她曾經整容，更提供照片比對，又指她個性貪慕虛榮，熱愛買名牌兼以港姐自居，對此，Sofiee回應指：「要再強調無整過容，大家可以睇返我細嗰啲相，自細已經下巴又尖又兜，之前做空姐周圍飛同食，最重時有120磅，依家減返去98磅，可能因為咁引起誤會。（貪慕虛榮買名牌？）唔會，打扮嘅嘢都係咁上下，好少買名牌。（今次拎獎有信心奪冠？）對獎項唔會太大期望，唔想畀大多壓力。」