張繼聰自言未夠班唔夠高做Model

藝人張繼聰(Louis)一身晒肌look現身模特兒選舉記者會，並正式宣布加盟新公司，更即場與模特兒chok爆模擬廣告性感pose。問到身材fit爆的Louis是否有意發展模特兒事業，他笑言自己未夠班:「依啲唔到我啦，又唔夠高!不過做模特兒最緊要有性格先可以獨當一面!」

另外，Louis透露最近忙於拍新劇，表示在新劇內飾演見習律師:「《老表，你好hea!》劇情好輕鬆，但今次就要嚴肅啲，一時間都唔係好慣。」坦言首次演律師感困難，所以要做足準備功夫，亦去了法庭偷師。提到拍新劇再度跟港姐陳凱琳合作非常幸福，Louis大讚陳凱琳:「佢(陳凱琳)演戲好好，又有潛質，大家合作得好愉快!」其後，問到幾時會推出新專輯時，他表示現階段都會轉注拍劇，更有意做組合，謂:「都會錄新歌，但應該明年先會出碟。」