遭冒名開騷　古巨基搵律師處理

歌手古巨基、方皓玟、林欣彤及連詩雅為音樂會綵排，近日網上流傳一張《影視巨星　情歌王　古巨基歌迷見面會》的慈善騷海報，對此基仔說：「相中人係『山寨版古巨基』！都有粉絲問我係咪真嘅？我睇完即刻Send咗畀Mani（霍汶希）跟進。」基仔直認有朋友認錯海報中的人是他，又指雖然該活動聲稱是慈善活動，但也不應該如此打正旗號假冒。至於經理人Mani，則表示「冒名開騷」事態嚴重，現已交由律師處理。

另外連詩雅受訪時，相當「陰聲細聲」，原來她喉嚨發炎要睇急症。