鄭俊弘瞓身處男個唱唔該姜麗文借歪

歌手鄭俊弘（Fred）出席處男演唱會記者會時透露，今早進行網上訂票，得悉已經售罄，感到好開心，而其餘門票將於下月2日公開發售。問會否期待加場？Fred說：「都想加場，但一切要公司決定。」

拒絕性感演出

對於演唱會嘉賓，Fred還未考慮，但已邀請了師傅巫啟賢：「不過唔知佢得唔得閒。」至於會否邀請緋聞女友姜麗文（Lesley）？他希望Lesley能到場支持：「雖然仲未開始綵排，但已經練體能，今次唔會以性感打扮演出，以音樂性為主，應該唔會跳舞。」此外他會請以前合作的樂隊演出：「唔怕到時唔夠歌唱。」

另外，問有否留意姜麗文在大陸節目的演出？他承認二人一直有聯絡，不過對於被追問感到尷尬：「練好啲歌先啦！難得有機會開演唱會，想將所有心機放喺工作上，以事業為重。」