鍾欣潼準備「狠毒」遊戲玩鄭希怡老公

歌手鍾欣潼（阿嬌）在新城頒獎禮中獲兩個半獎項，對於好姊妹鄭希怡下月出嫁，身為姊妹團之一的阿嬌被問到是否準備好「狠毒」遊戲玩新郎？她承認說：「對嗰班人唔狠毒唔得，大部份都係藝人，普通太冇挑戰性，加上姊妹團都唔係普通嘢。」問到怕不怕班兄弟嬲？阿嬌說：「點會？佢哋出名唔小氣、好玩得。（傾好開門利是？）留畀阿Sa（蔡卓妍），我哋係個Group冇人敢提開門利是，係得阿Sa開聲問，不過冇人回應過佢，但係佢一直係到講，相信佢好執着呢方面，唔會放過佢哋。」

另外，有指她遭阿Sa男友陳偉霆厭棄，阿嬌否認說：「冇呀，只係大家好少見，佢成日喺內地，之後同佢出席過宣傳，因為我接咗好多簽唱會，所以同唔到佢去第二度宣傳。（不和？）冇，冇呢啲事。」問到有否試過被圈中人疏遠？阿嬌說：「有，都開心，畀我睇清楚邊啲係朋友。（圈中人？）係。」當問到對方身份時，阿嬌以「唔記得」回應。