鄭俊弘請師傅巫啟賢做個唱嘉賓

歌手巫啟賢和鄭俊弘（Fred）師徒檔在尖沙咀出席慈善活動記者會，問到他們將在活動中表演甚麼，巫老師就爽快表示：「合唱！我哋有隻新歌叫《朋友啊朋友》，會合唱呢首歌。」至於將在下月一號舉行處男個唱的Fred，就表示尚未邀請老師做嘉賓，他謂：「我諗住係邀請，但我唔係想呢個情形。我頭先同我師傅講我陣間有嘢問佢。」記者慫恿Fred現在問，但巫老師就笑說：「好多數未傾掂！」問到是否收得好貴，Fred就搶住講：「梗係唔收啦！我覺得我師傅一定會嚟！」然後巫老師就問Fred演唱會幾時搞，又說：「十一月一號？咦！好似得喎！」

問到Fred如何報答師傅撐場，他謂：「我梗係好多個擁抱同錫錫啦！」又指自己會盡能力唱到最好，希望不會丟師傅架，而巫老師就即時話：「放心啦！到時我會點評你。」至於有報道指Fred只有兩首歌就開個唱，巫老師就即時維護徒弟：「邊個話佢唔夠歌？佢梗係唔夠歌啦大佬，啱啱出道，邊夠歌啫。但係佢唱得吖嘛！佢可以唱好多其他作品嘛！」