何雁詩自導自演MV 搵沈震軒做男主角

20140827
東網電視
更多新聞短片

歌手何雁詩(Stephanie)日前為新歌《I Don’t Care》 MV進行拍攝,首次自編自導自演的Stephanie碌盡人情咭,先邀請了「電視界男神」沈震軒(Sammy)及「新一代網絡男神」薑檸樂當男主角,續獲得巨聲幫好友陳國峰、吳業坤借出其食店拍攝。

拍攝當日天氣非常酷熱,Stephanie亦不怕辛苦,全程親力親為,更買雪條給工作人員解暑,她說︰「今次MV係我主動向公司提出想自導自演,公司好好,畀咗好大自由度我,由準備Storyboard到搵場景、到當日交通安排,我都有落手落腳做,但原來畀想像中難好多,我本身個人比較大頭蝦,所以好怕會漏咗一啲細節無安排好,拍攝前一晚因為太緊張,每個半鐘醒一次,完全瞓唔到。」

MV主要講述Stephanie與現任男友Sammy拍拖,卻被前男友薑檸樂跟蹤,當中Stephanie與沈震軒有多個親密鏡頭,由中環碼頭sweet到上環街頭,她笑言:「我同Sammy熟到好似兄弟咁,突然要係佢面前咁女仔同佢咁sweet我好唔慣,同埋Sammy部《喜愛夜蒲》形象太深入民心,拍攝地點重要喺中環,我覺得好似拍緊新一齣《喜愛夜蒲》。」