陳展鵬整容要問過阿媽

藝人陳展鵬在朗豪坊出席美容中心開張剪綵儀式，他謂自己閒時也會到美容院做機和用保護膚品去保持最佳狀態。

展鵬指自己近來常打哥爾夫球以致曬黑，可以去美容院做美白，他說：「我自己都有去醫學美容院，男仔嚟講我算貪靚。」問到他有否試過打美容針和Botox，他就說自己未試過：「但科技會不停進步，可能將來會普及呢。」展鵬稱自己没有美容方面的常識，完全不知道美容針的成份，但卻不抗拒醫學美容：「依家不分男女，好多人都去韓國，因為個邊有醫學證明，又多靚人，係咪好事就每個人都有唔同嘅標準，我就唔抗拒，知道自己嘅缺點同優點去改善係好事嚟。」

問到他會不會想整容，他就指要問母親意見，又或者過多二、三十年才有機會想做，他謂：「我諗有好多人都想追求ABCD様，但我相信有缺陷先靚，同埋最重要喺內心有信心同感到安全，男仔就要保持身形，五官端正就得。」展鵬亦指不介意另一半整容，認為只要過程不是危險都能接受。