劉嘉玲強調無需要迴避張曼玉

劉嘉玲出席本地品牌舉行的秋冬時裝展，穿上紅色長裙、頭戴金色頭箍的嘉玲，尤如女皇登場。問到為何沒有出席鍾鎮濤和范姜的婚禮？嘉玲表示：「我要做嘢。（咁梁朝偉呢？）偉仔有啲事，冇我陪，佢會特別驚青啲。（影到佢喺中環行街喎？）唔關事，婚宴要去三日，都有同佢哋講返嚟食飯。」

問到是否刻意迴避與張曼玉同場？嘉玲澄清謂：「唔需要避佢，都係你哋講啫。（鍾鎮濤好似為就你想改期？）唔清楚，係有啲遺憾，但一早就買咗禮物，係梁生（梁朝偉）揀嘅。」