萬綺雯陳十三結婚14年　晒咀嘴相慶祝

藝人萬綺雯早前被媒體影到佢同李思捷疑似撐傘咀嘴，但後來佢就公開澄清冇呢回事，只係拍攝角度問題，而老公陳十三亦得啖笑。尋晚萬綺雯同老公陳十三喺共同微博上載咗九張連環咀嘴嘅親密照，仲留言話：「13年零364日繼續……傻、傻、傻……十三和雯雯跟大家說:晚安喔！」原來今日係佢哋兩公婆嘅結婚14周年紀念，恭喜、恭喜﹗見佢哋兩位雖然已經相處咗14年，但依然如膠似漆，網友紛紛祝賀之外，仲大呼羨慕！