蔡曉瑩否認發明星夢口窒：我唔係煙民

無綫《2014香港小姐競選》舉行鑽飾試戴活動，12號蔡曉瑩是非纏身，對於被指出風頭及搭上有婦之夫，佢再三澄清唔係事實，又謂當年幫所屬嘅航空公司拍月曆係由公司安排，自己未有自薦，又否認自己發明星夢，謂自己比較慢熱唔造作，連屋企人同朋友都覺得佢會比較「蝕底」，又指自己對酒精敏感，至於被問到有否吸煙？她即口窒窒表示：「我無食煙，我唔係煙民！」，大方承認同男友拍拖六年嘅佢，被指因爭仔而大打出手，因而被調至文職工作，佢話：「調文職係自己申請，因為想讀碩士，打算辭職但公司覺得我係人才，叫我留低，就調我去文職就我讀書」，又謂自己喺舊公司人緣好好。