梁靖琪耍太極變跳泰舞

無綫藝員梁靖琪（Toby）日前現身將軍澳電視城為無綫新劇《潮拜武當》試造型。雖當日身處室內，但Toby依然戴黑超現身，分外有型，原來她將於劇中飾演保鏢，更透露自己非常打得：「算係最打得架喇，喺套劇入面，除咗錢小豪同洪天明之外。」而且她更大爆劇中會造型百變，挑戰自己的性感極限，穿三點式上陣：「有時會被幻想我着到好性感，係活喺人哋嘅幻想空間！」但她坦言已經是一大突破！因此在劇集開拍前Toby都盡量修身，務求將最美的線條呈現觀眾。但在劇中要「耍太極」的Toby坦言學習的相當困難：「我自己操緊泰拳，啲速度好快架嘛！搞到個太極老師成日都覺得我喺度跳緊泰舞！喺度笑我！」Toby更透露自己已相約同劇演員於武當拍攝外景時一起跑山鍛煉身體：「跑落山又跑返上山！希望可以做多啲運動，呼吸最新鮮嘅空氣！」