佘詩曼新片孖住古天樂　揚言同張智霖冇對手戲

無綫花旦佘詩曼下月將到英國拍新片，她不忘與長者預祝中秋佳節。活動上她與長者齊齊製作月餅及學習大笑瑜珈，一片歡欣。

阿佘表示下月1日將起程到英國拍攝電影版《衝上雲霄》，她跟媽媽母女情深，她開心表示媽咪亦可能會赴英國陪伴她過中秋，她說：「喺英國都會拍好耐，開工都係日班多，睇下有冇時間shopping，咁啱又換季，真係唔敢諗咁多。」

阿佘在電影中飾演空姐，她表示曾投考過空姐一職，但因當時同時亦入圍港姐選美，故最終選擇了參選港姐。談到有報道指袁詠儀為嚴防阿佘，要求電影延期拍攝，以遷就她隨行睇實老公張智霖？她說：「冇聽過呢個傳聞，唔關我事亦唔會理。（會唔會避忌啲？）呢啲都係炒作嚟，其實同佢冇對手戲，對手戲主要同古天樂。」