Sunny Wong開舞蹈學校發掘新舞王

郭富城御用排舞師Sunny Wong（黃國榮）與模特兒太太洪華（Angela）盛裝現身自家為慶祝入行三十周年舉辦的匯演，吸引大批圈中人捧場，當中包括謝天華、歐陽妙芝、天堂鳥、As One等。Sunny說：「等啲朋友表演啦，（有幾多人？）應該有大約250人，包晒所有有份表演嘅大人細路。」

對於轉眼已入行三十周年，Sunny有感而發說：「所有舞蹈都需要悉心安排，我排舞排咗咁耐，好清楚舞蹈真係好講求默契，我開跳舞學校係想發掘有潛質嘅跳舞者，（真係唔打算即興畀個驚喜大家？）表演真係需要有編排，即興就要睇吓你有幾多斤両喇！」問對圈內誰人感受最深？他說：「郭富城同小美，冇佢嘅歌就排唔到我嘅舞！」

積極提攜後輩的Sunny對於各新一代跳舞之星均有讚賞及提出建議：「好多新一代都好有天份，只不過未揾到啟發佢地嘅導師，需要時間嘅，跳舞係需要沉澱完再返生。」