胡定欣Deep V到肚臍　搶晒佳麗鏡

藝人胡定欣、莊思敏以及張秀文性感現身《2014香港小姐競選決賽》，為「最上鏡小姐」擔任評判。定欣以白色超Deep V長裙性感露微波，被記者讚她性感，定欣表示：「有做足安全措施。（Deep到肚臍？）仲差兩吋！」首次擔任評判的定欣更笑言：「其實由細到大都睇港姐，有個疑問點先算最上鏡。」提到心水佳麗，定欣投15號邵佩詩一票，認為對方有望入三甲。

而莊思敏則以長裙谷胸現身，她笑言：「一直有個疑問上鏡其實係讚定貶？出街畀人讚我真人靚過上鏡其實都有啲嬲，即係話我上鏡唔靚啦！」提到今晚性感現身，她謂：「OK啦，條裙細碼有啲窄。」同場的張秀文以身穿黑色低胸長裙，她表示是要尊重現場氣氛，首次擔任評判的她坦言有壓力：「會望實個mon搵最上鏡小姐，希望發掘佢哋嘅優點！」