洪永城認同唐詩詠了解中：睇吓有冇機會

藝人洪永城（Tony）於長沙灣與無綫劇集《載得有情人》眾演員聚餐。對於日前被拍得與唐詩詠同車蜜遊赤柱，Tony否認拍拖：「梗係唔係（拍拖）啦。（同車去赤柱？）最後冇去到，詩詠放低咗我喺第二度，佢兜錯路，去石澳變咗去赤柱。我約咗朋友喺石澳，我哋最終分開行。（詩詠咁好車你？）佢好人，佢都車過好多同事。」

談到詩詠如此「好女仔」為何不力追對方？Tony自爆與詩詠「了解中」：「了解緊，食吓飯先，其實都食過飯，食飯好causal兩個人。（了解到咩？）佢梗係好，外人都覺得好，睇吓有冇機會啦。」談到有指詩詠獲介紹運動型男仔？Tony說：「邊個介紹男仔比佢？我據知對方唔特別鐘意運動型。（佢鍾意你呢種型？）要問返佢自己喇！」

問到他是否怕如緋聞女友黃翠如般，戀情曝光後惹麻煩？他稱戀情穩定後才會公開戀情：「戀情非常穩定先會公開，好快曝光會有好多煩惱！」