城城唔驚有密照流出：我最親密都只係舉V

郭富城、邵美琪、李逸朗及譚耀文等，出席新片《踏血尋梅》開鏡拜神。城城的白髮蒼老造型最為搶鏡，為配合戲中老差骨打扮可謂「犧牲型仔樣」，他不諱言：「戴住眼鏡開工影響咗視力，遠視加深咗，依家仲要將平日運動量減半，配合角色陰沉性格。」

提房祖名即封口

談到有荷里活女星將艷照上載到「雲端」遭黑客入侵，艷照因而曝光，城城說：「呢樣嘢幾冇保障，好似locker冇得證明lock實一樣。我冇用呢樣嘢，但會提朋友小心啲。（唔驚人哋同你影完相上載咗？）咁我最親密都只係舉『V』啫！」至於其主演的《道士下山》，房祖名戲份處理問題，城城封口謂：「我盡咗最大嘅努力去演，其他嘢等電影公司安排。」