小龍包武士頭萌爆！陳慧琳：佢好鍾意蜘蛛俠

新學年開始，星媽陳慧琳（Kelly）的細仔「小龍包」劉琛亦開始開學試堂，下午約一點半身穿格仔恤衫襯白色長褲的Kelly，就帶着小龍包現身位於紅磡的幼稚園，梳起武士頭的小龍包拖實Kelly走到學校門口，再由媽媽抱起量體溫，非常聽話！

等到下午三點半 Kelly就回到幼稚園接小龍包放學，問到Kelly小龍包有否比哥哥「蝦餃仔」劉昇更聽話，首日返學沒有扭計，Kelly解釋其實小龍包已經開學數日：「其實兩個都差唔多，依家仲係試緊堂，都試咗一排。」講到要花時間照顧兩個仔，Kelly表示晨早送哥哥返學，下午就送弟弟，會與老公劉建浩分工合作：「哥哥就由爸爸送返學，我就送細佬，依家返學都無扭計喇。」

小龍包最愛蜘蛛俠

問到小龍包的醒神武士頭，Kelly就話小龍包日日都咁紮，又指試堂一段日子，雖然仍在牙牙學語的他還未懂得說上學趣事，不過Kelly就感覺小龍包喜歡上學，更大爆仔仔鍾意蜘蛛俠：「佢依家最叻講Spider-Man，佢好鍾意，仲會學埋佢放蜘蛛絲個手勢。」

談到不少荷里活女星的艷照在網上曝光， Kelly直言自己不會放相片上網，因為覺得網絡信不過：「平時啲生活照都會放喺Hard disk。（怕唔怕仔仔啲沖涼照流出？）都驚o架，好彩係男仔。」