避談結婚　王菀之十問九唔知

歌手王菀之（Ivana）出席慈善組織舉辦的籌款活動，擔任「粉紅甜品大使」的她，透露早已計劃於9月放大假：「覺得活動好有意義，透過餐廳賣甜品籌款，為咗做慈善所以都照樣出席，自己本身都好鍾意食同整甜品。」

又指早前襯空檔與男友Eric So去了日本旅遊，Ivana說：「好開心可以見到男朋友班同事，對於潮流界加深咗認識。（佢教你？）唔使教，依家襯休息想回顧今年發生的事，以及思考未來工作方向，都想靜靜地去諗。」問到男友可有藉此向她求婚？她不斷向記者重複「唔知」及「唔講」，似乎不想被外界指她逼婚：「吓，我女仔嚟，我依家唔講呢啲嘢。（視男友為結婚對象？）唔知，未諗到，依家好開心好穩定，加上我同佢都鍾意創作，希望有一日有屬於自己的家庭。」