單身唔悶？楊崢慣咗獨立：都係自己一個人

藝人楊崢出席「品味澳洲」活動擔任嘉賓，賈思樂亦有到場支持，齊齊為推廣澳洲美食出力。

被大會封號為「美女廚神」的楊崢對煮食向來很有心得，她透露自己正在籌備再推出一本飲食書籍，更稱會到訪歐洲、美國及東南亞各國搜尋食譜，除推出私伙煮食秘笈外，更會拜訪各大名廚偷師，不過她坦言名廚難約：「好似啲荷里活明星咁！」楊崢還希望可於來年推出新書。

但最近楊崢忙到爆，問到有否時間拍拖時，她担言希望專注工作不談拍拖：「我對呢方面反應好遲鈍。就算啲外國朋友好客都好，我都只會覺得佢哋係好朋友。（唔會悶咩？）可能我做開模特兒，習慣咗獨立，都係自己一個人。」

但提到前男友黃宗澤時，楊崢立即化身錄音機，無論問到有否聯絡，二人是否還是朋友或會否祝福他時，她都不斷重覆：「唔回應喇，淨係想講自己嘢。」而問到對即將來臨的人月兩團圓中秋節有何準備時，她則透露會留港陪家人，更會一展廚藝大煮美食宴客。