遭無綫雪藏？伍詠薇：得啖笑！

伍詠薇（伍姑娘）有傳本來有份拍攝無綫劇《梟雄》，更與黃秋生有不少對手戲，不過就嫌戲份不及胡杏兒，更踩上監製房要求加戲，怎料遭無綫換人兼雪藏。對此，伍姑娘接受訪問時笑言報道指她拍畢《金枝慾孽貳》後氣燄甚高，簡直一頭霧水，只覺得啖笑，她笑謂：「好似誇張咗，藝員部好耐之前係搵過我，問我有冇興趣傾吓角色，嗰陣真係好早期，個故仔都仲係度緊，當時都未知胡杏兒會拍，又點會嫌戲份少過佢呢！」伍姑娘又指自己只跟監製傾談過一次。

提到被指遭雪藏，她表示因為自己快要演出舞台劇，一早已跟無綫請假，澄清與無綫關係相當好。