陳豪冧爆讚太太係Queen：我唔可以Say No

陳豪出席新劇《水髮胭脂》煞科宴，被指身形發福不少，他笑言皆因拍攝期間，拍檔蓋鳴暉（Joyce）、陳智燊（Jason）經常搶住請食飯，又讚Joyce「冇乜點變」：「Joyce今次終於感受到拍劇嘅威力，由06（早上六點）開到28（凌晨四點）。」他透露11月將開拍監製徐正康的時裝劇，期間有兩個月休息，打算再帶囝囝去游水，中秋也會陪屋企人度過。

否認新緋聞：我是個爸爸

有傳與太太陳茵媺因未達共識陷入冷戰，陳豪表示兩人想法、言行一致，並冧爆道：「佢係我嘅Queen，Queen say yes，我唔可以Say No。（放假會否開行Turbo追多個？）哈哈，我想多番啲時間陪吓佢哋，之前拍劇突然唔見咗人，見到佢對住個小朋友24小時都幾辛苦，依家可以幫輕吓。」對於有指獲在劇中飾演其女友的朱璇倒追，他否認謂：「冇咁嘅事，我是個爸爸。」