蓋鳴暉爆發福陳豪大食：一餐食兩大碗飯

久未接拍無綫劇的蓋鳴暉（Joyce）於酒家筵開八席，請新劇《水髮胭脂》一眾台前幕後食煞科宴，談到拍檔陳豪身形發脹，她笑言：「直頭離哂譜添啦！我哋食飯食半碗，佢用湯碗食飯，起碼食兩碗以上，有次幫佢買飯盒，佢話公仔麵加飲品唔夠，要加多件蛋治，又話肚餓，因為湊B辛苦，所以要增加體力食多啲，好在佢個人高大唔怕肥。」她又大讚陳豪榮升視帝後，亦毫無架子。

提到陳豪指她終於感受到通宵趕劇的威力，Joyce坦言：「試過29（凌晨五點）收工，0530（凌晨五點半）再開工。（被嚇怕唔再拍？）我唔會唔拍，但係比預期辛苦得多，我預期拍兩個半月，點知唔使兩個月就順利完成，亦無阻我排戲，嚟緊13號會去日本表演，希望可以將中國同香港本土文化帶入日本，同時緩和大家嘅心情。」問到何時再拍無綫劇？她說：「過埋今年先，我唔係怕，怕就唔會做啦，我要調節睡眠，好在呢兩個月冇病過。」