細細粒自爆滿屋「病貓」　自嘲磁場唔好

「細細粒」陳嘉佳日前與明星貓「忌廉哥」現身朗豪坊，擔任手袋店開幕嘉賓。與「忌廉哥」玩得不亦樂乎的細細粒自爆滿屋「病貓」：「我屋企養過4隻貓，不過我磁場唔太好，啲貓成日病同養唔肥，呢排仲有隻貓日日嘔白泡！」

近年「踩界」拍電影的她High爆稱再與周潤發對戲：「我喺《賭神風雲》演發哥表妹，今次續集我仲有份繼續客串！我好開心，希望長拍長有！」

此外，細細粒主動大爆日前發現自己於社交網站上被冒充，對方更以「陳嘉佳（小寶）」名義邀請近千位朋友。她對此「嬲爆」澄清：「嗰個唔係我！我本身唔知，係朋友轉告我。我嬲到爆，佢亂add人，又偷我啲相做頭像！」