劉心悠再戰鬼片　唔怕醜化女神形象

藝人劉心悠（Annie）高貴亮相時裝品牌派開幕酒會，向來身形瘦削的她，透露近日有發福的跡象：「好耐冇運動，身體輸出輸入都唔均衡，肥咗應該有一磅，亦都會開始備戰馬拉松，因為今年提早咗舉行。」

談到近日工作新計劃？Annie表示已接拍兩部電影：「一部係鬼片，之前同家輝（張家輝）拍都係做鬼。（想學李心潔做鬼后？）稱呼唔太理，好少機會拍鬼片，好開心再有機會拍。（當中有咩演員？）未可以透露住，另一套就會去澳門取景，之前都係搭直升機去澳門工作，但做完就走。」

問到會否怕扮鬼會醜化女神形象？Annie笑言無懼在戲中化爛面妝：「最緊要整到好驚，上次套戲係鬼上身，今次真真正正可以扮鬼。（怕唔怕敏感？）可以睇醫生，為咗工作同效果，攞定啲藥，好鍾意化特技妝。」