陳豪為囝囝升學煩惱：漁翁撒網

藝人陳豪（Moses）一身官仔骨骨打扮出席新店開幕酒會，被封娛圈住家好男人的他被問周永恒與趙頌茹涉家暴婚外情？他坦言未有留意相關消息：「由於近排為Aiden（囝囝陳梓燁）讀書搵學校好煩惱，同Aimee（陳茵媺）有望過吓，香港讀書制度令人好頭痛，不過依家囝囝上緊Playgroup，要為佢前途擾心。」

問可有屬意學校？Moses表示本地及國際學校各有好處：「我兩種學校都讀過，外國比較放鬆，而本地密集啲，所有學校都要見家長，冇優惠同特權，好公平。（有去搵學校？）去過幾間睇，但有人健議，唔需要選擇學校，而係要睇學校收唔收，要漁翁撒網，仲去到好遠睇。（幾遠？）去到貝沙灣附近睇。（就校網搬屋？）我唔會咁諗，到時先算，我依家先明白校網重要性。」