唐詩詠自爆為崔建邦溝女嬲到喊

被外界認定為「邦女郎」唐詩詠，在感情上與崔建邦糾纏多年，雖然男方身邊多次出現第三者，但她仍然死心塌地，在接受電台主持梁泰來訪問時，被問追求者是否包括初出道時一同參演青春劇的余文樂，唐詩詠笑說：「唔記得喇！N世紀前啲事真係唔記得！只係Puppy Love啫。」

談及與崔建邦多次離離合合，唐詩詠仍力撐前度不「花弗」：「我哋之間經歷咗好多嘢，當中有好多原因令到我哋再次走埋一齊。發現第三者當然有嬲過、喊過，（點解可以接受男友有第三者？）一言難盡，過去就過去，佢對我好好，最終我哋選擇以朋友關係相處，咁係一件好事。」

公開圈內有好多理想目標

近日崔建邦公開有新歡K小姐，唐詩詠直言沒感到失落：「我真心希望佢開心，我會戥佢高興，公開前佢冇話我知佢拍拖，我相信佢需要時間了解，佢已經年紀唔細，希望佢搵到真命天子。」

唐詩詠坦言很享受現在的單身生活：「雖然單身咗好耐，但深信緣份要嚟就會嚟，對感情事唔會太心急。」至於理想對象的條件，她認為要有感覺：「能夠互相溝通到，有上進心。」並透露圈內也有很多理想的對象，但她從不主動展開追求。