睇書學溝仔　恨嫁陳嘉佳一個月勁減30磅

陳嘉佳（小寶）出席中秋節活動，她透露節中秋將與家人度過，之後再與朋友出街慶祝，她又表示從小到大都不會煲蠟：「因為我好驚毀容，而且都唔會煲蠟，不過其實對於我呢啲冇拍拖嘅人嚟講，過咩節日都係一樣。」問到可會主動出擊識男仔？她笑言：「我會去買一本書，如何認識異性，阿媽都成日催我，話我係時候拍拖。」

小寶表示最近的起心肝減肥，一個月內勁減30磅，更見證歷史性一刻：「我之前240磅，我屋企用公斤磅，所以一直都係三位數字，前幾日我去磅，終於變到兩位數，簡直係歷史性一刻。」她指一個月內戒食糖、澱粉質食物，並有做Sit-up瘦身，問到可會代言減肥產品？她說：「代言唔啱我，但我再減30磅就可以着短裙仔，低胸衫，到時一定嫁得出啦。」