陳智燊月滿抱佳人：博命儲老婆本

藝人陳智燊（Jason）在荔枝角出席護膚品牌活動，玩遊戲冧粉絲。問如何歡度中秋？Jason透露媽咪昨日來港共度佳節：「當然唔少得Sarah（宋熙年），我哋尋日諗緊去餐廳訂位，原來依家Book枱已經太遲，希望搵到成家人食飯嘅地方。（見家長？）見過一兩次喇。（媽咪對女友印象如何？）佢冇嘢挑剔！媽咪鍾意嘅性格佢都有晒！」並流露出甜絲絲的笑容來。

談及婚期？他表示要儲老婆本：「事業基礎未打得好穩嘅時候，都係做嘢先。當然大家都好穩定，所以都會諗，但未會咁快。儲錢上車（買樓）先，細細間都好。（計劃好晒？）呢啲都係一定會諗嘅嘢嚟。」自言不心急的他又指始終會結婚：「因為係人生必經階段。」