劉丹排隊抱孫女

無綫劇集《愛．回家》台柱劉丹（丹爺）和該劇一眾藝員同到油塘出席中秋活動。他笑笑口表示今年中秋過得特別開心，因為家中多了一名新成員：「孫女都三個月大，我哋中秋都係食飯慶祝，出街太多人，雖然佢未識玩燈籠，但佢望親我都會笑到卡卡聲！」

談及孫女時丹爺總是笑到見牙唔見眼。問是否每天都和孫女一起？他說：「每日都見，我新抱（大陸影星楊冪）都笑我話爺爺又排緊隊抱孫女。」由於兒子劉愷威要到青島拍戲，但每天都會透過視像和家人通話：「佢好掛住個女！」