黃智雯隨心選擇香薰紓緩壓力

黃智雯自小在母親影響下喜歡香薰，多年來家中收藏大量香薰及林林總總的香薰樽，每日按心情挑選味道。但某年中秋，長髮及腰的她燃點香薰時不慎被火燒到，幸好及時撲熄，惟此後伊人對火產生恐懼！

因媽咪舖頭有香薰出售，令黃智雯從小對香薰情有獨鍾，亦於母親灌輸下認識每一種香薰的功效。她坦言小時候尚在求學階段，每逢遇上測驗、考試，也會燃點香薰來減壓及幫助入睡。

但在讀小學的某個中秋，智雯與家人到天台賞月，期間她與一眾表兄弟姊妹點蠟燭玩燈籠，又在石壆上燃點形形色色的香薰，想不到差點造成意外，她說：「好記得細個嗰陣頭髮好長，當我蹲低點香薰時，仲同表姐佢哋玩緊，可能冇留意頭髮好近啲火，結果畀啲火燒到頭髮尾！好在我屋企人見到即刻整熄佢，當時我驚到淨係識得喊，自此就好驚火，唔會接近囉！」

雖然如此，但智雯仍然喜歡香薰，直至長大後有段時間當空姐，會到不同國家搜羅不同味道的香薰：「屋企真係儲咗好多，搞到送禮物畀人，我都第一時間諗到係送呢樣嘢。」

在林林總總的香薰中，智雯最喜歡爽身粉味的香薰蠟燭：「個感覺好似BB咁，但我特別鍾意呢一隻，因為個設計好靚，入面其實有三隻味，燒到咁上下就有第二隻味。雖然香港都有得賣，但成日斷貨，搞到我要求澳洲朋友幫我訂番嚟。呢隻香薰仲要係點火，所以通常我叫屋企人幫我點先得。」