同洪永城有機發展？唐詩詠：年紀唔細要諗清楚

藝人唐詩詠在將軍出席其主演劇集《大藥坊》的宣傳活動，問到她的劇中拍檔黃浩然因病未能參與宣傳，有否感擔心，她就說：「我聽聞佢都病得幾勁，我都有慰問吓佢，聽講佢之前病到講唔到嘢。（無拍檔陪你宣傳？）我擔心佢個身體多啲，同埋佢個人都好緊張工作。」

詩詠表示在劇中的角色是外冷內熱，所以要時時抑制情緒，拍得很辛苦，所以拍畢會立即狂吃來減壓。而現在就正忙於劇集《梟雄》和《四個女仔三個BAR》的拍攝，遲些也要到上海拍外景，問到早前有否和胡杏兒等《梟雄》演員慶祝黃秋生生日，她就說：「我嗰日無入廠拍所以都無呀。」

再被追問和洪永城的緋聞，詩詠笑指：「無咩，係朋友，佢個人係幾好，要了解吓喇！（有無機會發展？）唔知呀，了解吓先諗，始終年紀唔細，要慢慢諗清楚。」她又說大時大節也特別想要伴侶，但今年中秋有工作在身可暫作寄托。另外，提到馬國明和徐佳琦的緋聞，她又透露認識徐佳琦，但不知道詳情。