姜皓文參加旅行團High爆唱到口唔停

藝人姜皓文（黑仔）獲星晨旅遊邀請擔任《千人晚宴迎中秋唱飲今晚夜》兩天團的表演嘉賓，他一連唱出5首歌曲掀起全場氣氛：「平時有好多登台機會，但為旅行社旅行團活動擔任表演嘉賓嘅機會比較少，今次主辦單位希望我可以唱啲氣氛好嘅歌，都會唱啲快歌。」黑仔絕對是帶動氣氛的能手，不過他謙稱：「其實整個環境同氣氛都咁熱烈，好易就能帶動啦！」

完成早前與楊千嬅和導演葉念琛合作的新片後，黑仔可以放個短假陪家人和健身。問是否受到男明星「騷肌」風氣影響？他笑言沒有關係：「之前同千嬅套戲喺酒樓附近拍，伙食好好，肥咗好多，要減減。」對於葉念琛表示為加深演員之間的了解而安排飯局，但最後沒有實行，更將很多親熱戲放在頭一日拍攝：「好彩啲演員好專業，都唔會有尷尬。」

望亞視畀機會旗下藝人

至於前公司亞視最近開拍新劇，但主要演員均為大陸演員，本地演員只能當配角。黑仔說：「其實有戲開係好事，但唔清楚公司內部政策，咁亞視人都仲有團火，希望亞視會畀機會佢哋啦！（見到咁會唔會心淡？）都唔會，始終我當佢係半個娘家。」